مـــــــــــنـــــــــتـــــدى أهـــــــــــل الـعـراق
نرحب بكل الزوار الأعزاء مرحبا بكم في منتديات صوت العراق . سمير الأنباري


منتديات تجمع كل العراقيين
 
الرئيسيةالبوابةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 قصيدة منين اجيت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
احمد الجغيفي
عراقي جديد
عراقي جديد


عدد المساهمات : 1
تاريخ التسجيل : 15/08/2011

مُساهمةموضوع: قصيدة منين اجيت   الثلاثاء أغسطس 16, 2011 12:02 am

[size=18]الدنيا مو دنية عشگ يبن الحلال
لا تخلينة بمحبتك ننجبر
انت ابن العافية وابن الدلال
واحنه ولد الموت ربانه الفقر
بينه وبينك فرق كلش چبير
وما نگول اسباب كل هذا الفرق
وما نكمل السالفة الحد الاخير
امن الاساس وياك مسدودة الطرق
وياك ما نرهم وما ترهم محال
ويانه ما تگدر تدوم وتستمر
وباهو گلك بالسهل درب الوصال
وانت تدري دروبنة مورثة جمر
***********
***********
منين اجيت وبالعشگ عندك يقين
منين اجيت وياهو سوالك درب
انطيني مهلة وخل اشوفن وضعي زين
وخل اشوف انوب هم اگدر احب
گلبي تيهتا وشرد ما ادري وين
وانه صار اسنين ما عندي گلب
وخالي گلبك وانت بعيونك جمال
كل جمال الكون يمك يعتذر
نبع شفتك يعني كلماتك زلال
والعطش بالروح تاركم جم فطر
******
منين اجيبنلك خلگ يرهم عليك
وانت اية امن الحسن واحلا الدلع
وانه يا فرحة الاحطه ابين اديك
وانه بچفوفي عمر شلت الوجع
حتى ما عندي ابتسامة امنرد اجيك
وليش تشلع گلبك بگلب انشلع
وليش تطلع خاسر ومشلول حال
وتترك الضحكة وعليمن تنقهر
راجع افكارك بعد عندك مجال
ليش بيه تريد گلبك ينكسر
**********
*********
ادري بيك تحبني ما داعي الكلام
وادري بدموعك صدگ تبچيلي
من تجيني لا تكلمني بغرام
عفية عوف الشوگ لا تحچيلي
انه ليلي بلاية واهس ما انام
اشلون لو صرت انت واهس ليلي
واشلون لو حبيت شكلك والخصال
واشلون لو باچر تروح وتعتذر
هم ترد لمن اگللك تعال
وتنتضر لمن اگلك انتضر
**********
**********
احنه عدنه الحب يعني الحب عذاب
ولازم امن ننحب نذب بالحب فلك
ولازم نحب باب بيتك والتراب
ونحب كلشي العايد وراجع الك
ونحب ناسك كلها شيب اوية الشباب
ولازم نحب كل عمامك وي هلك
ولازم نحبك نحب الخال خال
وكل هذني شوية لتگول اشكثر
احنه ما عدنا العشك صفنة وخيال
احنه من نحب نطگ وننفجر
**********
**********
نخاف من حبك لان حبك جديد
ذهب چنه وياهو اليشوفة انعجب
والمشاعر (فقرة) (معضدها) حديد
وانت يم (الفقرة) لا تطلع الذهب
وياك ما نصقل بعد لا ما نعيد
عوفنه ولتگول بينولي السبب
احنه ما عدنه جواب لاي سوال
لان من شفناك تيهنا الفكر
هم شفت فد يوم گالو للدلال
ليش متحملة حضن نار الجمر
الدنية مو دنية عشگ يبن الحلال
لا تخلينة بمحبتك ننجبر
انت ابن العافية وابن الدلال
واحنه ولد الموت ربانه الفقر
[/size]

الرجوع الى أعلى الصفحة اذهب الى الأسفل
سمير الأنباري
مدير ومؤسس منتديات اهل العراق
مدير ومؤسس منتديات اهل العراق


عدد المساهمات : 7
تاريخ التسجيل : 15/08/2011
العمر : 26

مُساهمةموضوع: رد: قصيدة منين اجيت   الثلاثاء أغسطس 16, 2011 4:15 am

شكرا احمد الجغيفي ننتظر ابداعك
الرجوع الى أعلى الصفحة اذهب الى الأسفل
http://khelood.alamontada.com
 
قصيدة منين اجيت
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مـــــــــــنـــــــــتـــــدى أهـــــــــــل الـعـراق :: الفئة الأولى :: منتدى الموهبة-
انتقل الى: